今時今日，只要打住反政府反霸權反赤化等等等高尚口號，咁就算你有鋪「待人嚴、律己寬」癮都唔係問題，一大堆以「反建制」為己任o既媒體同市民自會幫你呢種不良嚐好洗白白，壞事講成好事。

好似出晒名要求政府高官、非泛民派別議員行事乃至私生活都要whiter than white，乜都要喺「陽光下進行」o既「鋒猴」，嗱，今次喺DSE成績放榜日呢度又犯咗「待人嚴、律己寬」o既老毛病啦。作為有影響力兼希望領導民意o既社運人仕，其實，市民又真係有權要求你全面公開考試成績o架喎。先唔好理係咪有用緊我哋納稅人錢o既大學賞識你，破格取錄先，但既然呢啲社運人仕咁鐘意「硬挾」市民遵從自己意思願望，咁我哋呢啲人哋眼中o既「港豬」又真係想睇吓你o既知識水平係咪真係夠班「領導」我哋向前行囉。求學雖然唔係求分數，但「合格」，至少都應該係一種個人能力o既肯定掛。如果連學校呢種溫室出o既，相對簡單o既難題你都搞唔掂，咁叫我哋呢啲「港豬」點信你有能力正確理解更複雜險惡o既社會民生政治問題，點敢信你o既判斷呢？

依家你「鋒猴」叫傳媒放過自己，唔好追問成績，只係show其中兩科唔知係咪考得最好o既科目成績出嚟交差，一來係打壓緊市民知情權，二者咪係「待人嚴、律己寬」囉。既然你慣性要求自己啲對手乜都要喺陽光下進行，點解今次公佈放榜成績呢件事你又唔可以學吓旁邊戰友咁開誠佈公呢？唔通，對講大話案底累累的你，做一次誠實坦率的人都咁困難？